Kit de apropiación

Compartimos a modo de exemplos algunhas ideas para facilitar a súa viralidade, a mellor forma, sen dúbida, de que, desde unha voz colectiva, as nosas demandas teñan o apoio e o eco social que queremos e precisamos.

1. Difunde a iniciativa entre os teus contactos: comparte a web e convida os teus contactos a apoiar a iniciativa por correo electrónico, mensaxe de texto, redes sociais ou o «boca-orella» de toda a vida. #TemosQueFalar conta contigo. Difúndeo! Paréceche interesante e necesaria esta iniciativa? Pois cóntao así directamente: «Coñecín unha iniciativa superinteresante, coñeces temosquefalar? Bótalle unha ollada que a min me ilusionou…».
2. Aprópiate do cancelo para campañas propias: usa o cancelo #TemosQueFalar para as túas propias campañas e demandas. Con ese fin, compartimos convosco algunhas mensaxes e materiais neste documento da campaña de lanzamento. Por exemplo, se andas promovendo a xustiza climática, podes lanzar mensaxes como: «Esta nova vaga de calor pon novamente en evidencia que #TemosQueFalar de #XustizaClimática; é unha cuestión de xustiza e supervivencia».
3.   Saca o youtuber que levas dentro: as tecnoloxías ofrécennos un interesante altofalante accesible para a maioría. Xa non fai falta ser politólogo nin que te convide a televisión para que a xente poida escoitarte. Grávate cun móbil para falar das cousas que che importan e compártea en redes sociais ou entre os teus contactos. Recomendámosche que o fagas co cancelo #TemosQueFalar para contribuír a esta narrativa común.
4.   Pono en práctica: saca na túa contorna os temas que consideres importantes, calquera momento é idóneo para unha agradable conversa sobre as cousas que nos atinxen. No teu traballo, o parque, o bar ou a praza, non perdas ocasión de pór en común coa túa xente as cuestións que te preocupan, es un axente tan válido como calquera outro para facer política. Anímate, hai tanto do que falar…!
5. Practica o artivismo: pega globos co #TemosQueFalar na rúa, incluíndo os temas que che importan en lugares emblemáticos. Por exemplo, se cres que #TemosQueFalar de sanidade pública, universal e gratuíta, debuxa un globo con #TemosQueFalar de Sanidade Pública e pégao no teu centro social. E se xa lle tiras unha foto e a compartes en redes co cancelo común, multiplicas seguro o impacto da túa acción. 
6.  Leva o #TemosQueFalar ao espazo público. E se colocáramos carteis con globos de #TemosQueFalar polas nosas localidades como identificativos para xerar lugares de encontro e debate onde a xente poida acudir de se querer encontrar e falar con outras persoas? Sería moi potente e transformador, non cres? É unha acción marabillosa para facer individualmente ou en grupo. Pega o teu cartel e dálle vida iniciando conversas con amizades ou persoas que se acheguen a osmar. E, por suposto, rexistra o momento e visibiliza ese punto para que máis xente poida usalo, darlle vida e abrir novos puntos TQF.
7. Creatividade ao poder: estas son só algunhas opcións posibles para apropiarte da iniciativa e diseminar o seu poder democrático e transformador. Deixa saír a túa creatividade e… gózao!